الموقع الرسمي

جميع الاقسام

صندوق البحث

إعلان

القائمة الرئيسية

نبذة عن بعض المفاهيم المحاسبية

المحاسبة: علم من العلوم الإجتماعية شأنه شأن أى علم كالفيزياء والكيمياء وغيره، وفن تتكون من مجموعة من الأسس والقواعد والمفاهيم والأساسيات والإجراءات والتطبيقات التى تستخدم فى عملية تسجيل وتبويب وتلخيص العمليات المالية أو الأحداث الإقتصادية فى الوحدات الإقتصادية أو الخدمية المختلفة بغرض عرض تلك المعلومات على المهتمين بها من داخل أو من خارج الوحدة، لمعرفة المركز المالى للوحدة ونتيجة أعمالها، من أجل إتخاذ القرارات اللازمة لتنفيذ عملية التخطيط والرقابة ومن ثم الإرتقاء بالوحدة ومن ثم تحقيق رفاهية المجتمع.
المحاسبة بنستخدمها فى أى مشروع عشان نسجل كل عملية معبر عنها بفلوس بطريقة او لغة محاسبية عشان فى الاخر نعرضها ونشوف احنا كسبنا ولا خسرنا وايه وضعنا المالى. 
العملية المالية: هى تبادل شئ ما بين طرفين والشئ محل التبادل ذو قيمة مادية، مثل شراء أو بيع بضاعة حتى لو كانت بالأجل أي على الحساب لأن البضاعة محل التبادل تساوى نقود ولها قيمة مادية.
العملية غير المالية: هى عملية لا ينتج عنها تبادل شئ ما ذو قيمة مادية حتى وإن كانت بين طرفين، كطرد الموظف من شركة ما، أما سداد راتب الموظف فتعتبر عملية مالية تسجل فى دفاتر الوحدة.
التسجيل أو القيد أو الإثبات: هى عملية تسجيل العمليات المالية الى تحدث فى الوحدة أولاً بأول بتاريخ حدوثها، وتسجل تلك العمليات بطريقة تسمى طريقة القيد المزدوج ويتم التسجيل فى دفتر يسمى بدفتر اليومية. 
ودى لغة المحاسبة فى التسجيل. وفى مرحلة التسجيل فى اليومية بنبقى مسجلين على حسب التواريخ والعمليات التى تمت فى اليوم الواحد كلها على بعض وكل الحسابات على بعض فى اليوم الواحد. 
التبويب والترحيل والترصيد: هى عملية نقل كل حساب على حدة من دفتر اليومية إلى دفتر الإستاذ بحيث يبوب كل حساب ونستنتج رصيده النهائى.
يعنى هنا إحنا منظمين على حسب الحسابات مش التواريخ والأيام زى اليومية. نمسك حساب حساب ونعمل له صفحة ونجيب رصيده. 
التجميع والتلخيص: هى عملية نقل رصيد كل الحسابات من دفتر الإستاذ إلى ورقة واحدة تسمى ميزان المراجعة، بهدف تجميع كل الحسابات وتلخيصها فى كشف واحد.
هات اسم كل  حساب واكتب قدامه رصيده النهائى بدون تفصيل وبكده جمعت الحسابات كلها ولخصتها فى ورقة واحدة. 
عرض العمليات المالية: هذه المرحلة بعد مرحلة التجميع، وتهدف إلى استنتاج معلومات مالية من تلك العمليات بعد عرضها فى شكل قوائم مالية وتعرض على المهتمين بهذه المعلومات سواء من داخل الوحدة مثل المدير وصاحب الوحدة، أو من خارج الوحدة مثل مصلحة الضرائب والمستثمرين والدائنين لهم فلوس فى لوحدة
  • طبعا المحاسبة تستخدم فى الوحدات الإقتصادية الهادفة إلى الربح أو الخدمية الإدارية الغير هادفة للربح عشان نسجل العمليات ونعرض المعلومات لإتخاذ انسب القرارات، وممكن تكون الوحدة دى أو المنشأة دى منشأة فردية أو شركات أو حكومية أو حسابات عن دولة عن مصنع، وكل شكل قانونى له فرع المحاسبة المناسب له، عشان كده فى فروع من علم المحاسبة زى المحاسبة المالية فى المنشات الفردية والمحاسبة عن التكاليف والمحاسبة الحكومية والقومية والمحاسبة فى الشركات والمحاسبة الضريبية وغيره، ولكن المحاسبة المالية هى أم المحاسبة وأساسها وكل ما فيها يكرر فى الفروع الأخرى مع إضافات جديدة أو حذف أشياء منها، عشان كده إفهم أصول المحاسبة ترتاح فى حياتك ...  . 
مبدأ الشخصية المعنوية المستقلة أو الشخصية الإعتبارية: هو إعتبار المنشأة شخص إعتبارى مستقل يعترف به القانون، بحيث يصبح له ممتلكاته الخاصة، وإلتزاماته الخاص بعيد عن صاحب المنشأة.
يعنى فلوس المنشأة فى جنب وفلوسك أنت فى جنب، واحنا طبعاً بنعمل حسابات للمنشأة مش ليك أنت. 
الأصول: هى موارد المنشأة أو بمعنى أبسط هى ممتلكات المنشأة يعنى اللى ليك فى المنشأة والأصول زي: الخزينة - البنك - المدينون عليهم فلوس للمنشأة - أوراق القبض عليهم فلوس للمنشأة زي المدينون بس بوصلات أمانة - البضاعة والمخزون - الأراضى - المبانى - السيارات - العقارات (أرض + مبانى). 
وتنقسم الأصول إلى أصول ثابتة: وهى الثابتة فى مكانها والصعب تحويلها إلى نقدية وهى بالطبع ليست نقود سائلة، وتستخدم تلك الأصول فى العمل وليس بغرض إعادة بيعها كالأراضى والمبانى والسيارات والعقارات. وشهرة المحل أو الإسم التجارى مثل مطعم مؤمن له إسم مشهور تجارى ودى حاجة معنوية بس بتجيب فلوس وتعتبر ممتلك وكذلك براءة الإختراع كل دى أصول ثابتة غير ملموسة أو معنوية. 
أصول متداولة: وهى سهلة التداول وسهلة التحويل إلى نقدية، وهى بالطبع نقدية سائلة ايضاً، وتستخدم بغرض إعادة بيعها كالبضاعة والمدينون والخزينة والبنك وأوراق القبض.
أرصدة مدينة أخرى: لا ثابتة ولا متداولة، وهى مثل المصروفات المقدمة. دفعنا مصروف مقدم فبقى لينا فلوس ممتلك أو إيرادات مستحقة لينا ايراد مجاش فبقى كده ممتلك. ومن الممكن إعتبار الأرصدة المدينة الأخرى أصول متداولة.
الخصوم أو الإلتزامات: هى الإلتزامات التى على المنشأة، وتكون الإلتزامات بسبب إقتناء الأصول مثلاً شراء أصل على الحساب.
وتنقسم الخصوم إلى خصوم ثابتة أو طويلة الاجل: يعنى علينا فلوس وهتتسدد فى وقت كبير زى لو أخذنا قرض من البنك. 
خصوم متداولة أو قصيرة الاجل و أرصدة دائنة أخرى: يعنى علينا فلوس وهتتسدد فى وقت قصير مثل الدائنون لهم فلوس عندنا - (أوراق الدفع) لهم فلوس عندنا زى الدائنون بس بوصلات أمانة - المصروفات المستحقة علينا مصروفات متأخرة - إيرادات مقدمة أخدنا ايراد مقدم مش من حقنا دلوقتى فبقى التزام علينا لغاية معاده. 
حقوق الملكية: هو حق صاحب المنشأة فى المنشأة وحقه بيساوى اللى ليه ناقص اللى عليه يعنى الأصول ناقص الالتزمات. 
وحق الملكية = رأس المال - المسحوبات (صاحب الشغل سحب فلوس من الشغل لاستخدامه الخاص) + الربح أو الإيرادات - الخسائر أو المصروفات. 
الإيرادات و الأرباح: وهى المبالغ التى حصلت عليها المنشأة نتيجة اداء خدمة معينة أو بيع بضاعة مثلاً. مثل المبيعات وأى ربح ومردودات المشتريات. عشان لما نرجع بضاعة كنا شارينها بناخد فلوسها تانى كإننا بعناها. وأى إيراد كإيراد العقار لو عندى محل واجرته مثلاً. 
المصروفات و الخسائر: هى المبالغ اللى دفعناها وراحت علشان نجيب ايراد مش عشان نقتنى اصل ثابت، زي الايجار مثلاً ومصروفات نقل البضاعة وأى خسائر زي الديون المعدومة وأى تكاليف، والمشتريات الفلوس الى دفعناها فى البضاعة مش البضاعة نفسها، ومردودات المبيعات عشان لما ترجع بضاعة لينا كنا بعناها قبل كده بندفع فلوس للراجل اللى رجعها، وبنسمى المصروفات دى مصروفات ايرادية أو جارية، أما الفلوس اللى بندفعها لشراء أصول أو مصروفات رأسمالية أو استثمارية (يعنى الاصول) هى المصروفات الرأسمالية. 
هل اعجبك الموضوع - شارك برأيك

تعليقات